關於我們

街招係一個香港本地分類廣告平台——你可以當佢係「網上版街招」。以前搵師傅，好多人都係睇街邊、電燈柱或者大廈門口嘅街招；我哋希望將呢種本地、直接嘅搵服務方式搬上網，整理得更清楚、更安全，亦唔會周圍貼街招影響市容。我哋以家居裝修維修為主打分類——渠務、清拆還原、內外牆維修、防水、水電、驗樓驗窗、清泥頭、裝修、搬屋同清潔——同時亦設有二手買賣、招聘、地產租盤、補習、美容、飲食、寵物及活動等生活分類。

我哋點解做呢個平台？

屋企突然塞渠、漏水，或者退租要還原交吉，好多人第一個問題都係「去邊度搵師傅？」。資訊分散喺唔同社交平台同群組，好難比較。我哋希望將本地商戶同服務按分類同地區整理好，配合實用嘅生活指南，等大家搵服務時有清楚資料、識得問啱問題。

我哋嘅原則

• 內容真實：刊登須經審核先會公開；我哋唔會製造虛假刊登或虛假評價；精選商戶刊登只按商戶官方公開資料整理，唔會加入冇根據嘅價錢、年資或評分。
• 清楚標示廣告：付費置頂或精選位置會清楚標示「精選商戶．廣告」或「廣告」。網站上嘅「精選商戶」係商戶付費嘅廣告，唔係本站推薦、排名或評價。
• 重視私隱：我哋只收集營運所需嘅資料，詳情見私隱政策。
• 歡迎舉報：每個刊登都設有舉報按鈕，我哋會按刊登守則處理。

平台角色

街招只提供資訊刊登平台，並唔參與用戶之間嘅交易、唔代收款項，亦唔為任何刊登者嘅服務質素作保證。交易前請自行核實，並參考我哋嘅安全交易指南。

營運狀況

本站而家處於初步試業階段，功能會陸續完善。如有任何意見，歡迎經聯絡我們頁面話畀我哋知。